Abel Caballero: “Tivemos un notable éxito en Fitur 2022 tanto na mensaxe como na afluencia”
O alcalde agradeceu á ministra Reyes Maroto a asistencia ao acto e louvou a súas verbas sobre o turismo de Vigo.
Abel Caballero amosou en rolda de prensa a súa satisfacción tras a presentación da campaña turística do Concello no stand de Turespaña en Fitur 2022, que co slogan “Vigo, o mundo na cidade” amosou o Nadal, as Cíes, o Vigo Vertical e a oferta cultural, gastronómica e de turismo activo que ofrece a cidade.
O rexedor reafirmouse no “éxito” tanto na mensaxe como na afluencia: “O certo é que o stand de Turespaña estaba absolutamente “petado” cando Vigo fixo a súa intervención. Seguramente unha das maiores xuntanzas de persoas de moitos dos pavillóns, con filas de xente fóra do acto acoutado por mor da COVID-19”.
Caballero louvou as verbas da ministra de Turismo, Reyes Maroto, que abriu a presentación nomeando o turismo da cidade de Vigo en xeral, e do Nadal en particular. Para o alcalde “o Nadal é un proxecto turístico inigualable, o proxecto de maior crecemento que está a haber en Europa”.