Escoitar

Abel Caballero celebra o “regreso da Universidade ao corazón de Vigo”

O alcalde participou este luns na visita realizada ao edificio Redeiras, no Berbés, que será a nova sede da institución académica no centro da cidade e onde comezará a funcionar, entre outros servizos, a Escola Aberta de Formación Permanente.

luns, 31 mai 2021
O alcalde e o resto de autoridades que asistiron á visita
O alcalde e o resto de autoridades que asistiron á visita

Para o rexedor, a nova sede vén corrixir algúns “erros históricos”, nomeadamente, a saída do Reitorado do centro da cidade e serve para retomar a “tradición da convivencia entre a cidade e a universidade”. Así amosou o seu “recoñecemento e satisfacción polo regreso da Universidade ao corazón de Vigo”.

No seu discurso lembrou a inauguración da Universidade de Vigo “que abrimos cunha enorme ilusión” e que cualifica como “un dos grandes avances históricos da cidade” e lamentou a falra de espazos de estudo suficientes nestes momentos na urbe.

Manuel Reigosa, reitor da Universidade de Vigo, explicou que o edificio Redeiras permitirá que a institución teña presenza e ofreza servizos no centro da cidade, entre eles, a Escola Aberta de Formación Permanente que comezará a traballar en canto estea operativa a sede. “Queremos ser visibles na cidade”, dixo, e cualificou de “icónico” o emprazamento no Berbés que representa o pasado, presente e futuro da cidade, así como o esforzo da cidadanía no nacemento e construción de Vigo.

O alcalde e o resto de autoridades que asistiron á visita
Descargar todas as imaxes