Escoitar

Vetusta Morla, Xoel López e Furious Monkey House, o 2 de agosto en Castrelos

O alcalde avanzou hoxe a celebración deste espectáculo que, xunto ao recital que ofrecerá a Coral Casablanca o 27 de xullo, completan o programa das festas de verán de Vigo en Castrelos. <br />

xoves, 20 xuñ 2019
1561035147vetustamorla.JPG
A Xunta de Goberno Local aprobou hoxe a contratación da produción técnica local para os espectáculos e actividades do programa "Vigo en festas 2019" no Auditorio ao aire libre de Castrelos que ten un orzamento de 323.000 euros destinados aos medios técnicos, equipamentos e materiais necesarios para os concertos e espectáculos infantís programados.

Ademais, o rexedor anunciou outras dúas citas do programa de festas de verán en Castrelos: o 27 de xullo, a Coral Casablanca ás 23 horas e o 2 de agosto, triplo concerto con Furious Monkey House, Xoel López e Vetusta Morla.

Caballero apuntou que Vetusta Morla é un dos grupos de rock español máis importante dos últimos anos que está realizando a xira "Mesmo sitio, distinto lugar", leva vendidos máis de 200.000 discos e ofrecido centos de concertos en España e noutros países. Sobre Xoel López apuntou que é un dos artistas máis representativos da nova canción española con 14 discos editados e unha longa traxectoria musical, sendo o gran vencedor dos Premios de la Música Independente no ano 2013. De Furious Monkey House destacou que é unha banda formada por 5 mozas e mozos de entre 15 e 16 anos e o seu "mono furioso" cun repertorio de cancións rock que "son un espectáculo".

Así, o programa de concertos de Castrelos para este verán 2019 comprende as seguintes citas: 17 de xullo, Lauryn Hill, 19 de xullo, Leiva, o 23, Tom Jones, Fangoria o 24 de xullo, Rick Astley o 26, a Coral Casablanca o 27 e o 29 Roger Hodgson (Supertramp); o 1 de agosto, Thirty Seconds to Mars, o 2 de agosto, Furious Monkey House, Xoel López e Vetusta Morla e o 8 de agosto, David Bisbal. Ademais haberá 4 espectáculos infantís: o 4 de agosto Rock en familia: Queenmanía, o 5 de agosto, o Gran Musical O Rei da Sabana, Shrek, o musical o 6 de agosto e o 7 Super Wings Live Show. Todos, ás 20 horas da tarde en Castrelos, con entrada de balde.
Descargar todas as imaxes