Concello de Vigo Vigo org
Xornalxornal.vigo.org
  


Noticias da semana

Suscribirse


 
martes, 11 de xuño de 2019

Imprimir | Enviar | | Compartir:  


O Concello actualiza a información para o proxecto da nova autovía entre Vigo e O Porriño

Abel Caballero informou de que o Concello de Vigo actualizará a información necesaria para a empresa adxudicataria da redacción do proxecto e do documento de impacto ambiental. O alcalde destacou a reactivación da infraestrutura coa chegada do actual Goberno central.




O alcalde en funcións, Abel Caballero, destacou este martes os inicios dos traballos para levar a cabo a construción da nova autovía entre Vigo e O Porriño a través dun túnel. O rexedor indicou que a empresa Ayesa, adxudicataria dos traballos de consultoría e asistencia para a redacción técnica, pediu ao Concello que actualice a documentación sobre zonas afectadas.

Segundo explicou Caballero, a redacción do proxecto iniciouse no ano 2009 e modificouse o ámbito de estudio inicialmente previsto, por lo que procede a realizar unha nova solicitude de información. "A Declaración de Impacto Ambiental está caducada desde o ano 2012, co Goberno do PP de Mariano Rajoy, o que obriga a tramitala outra vez", sinalou.

A nova autovía de acceso a Vigo, cun trazado homoxéneo co resto da autovía A-52, ten como obxectivo captar gran parte do tráfico da actual A-55. Cun elevado custe, xa que ronda os 277 millóns estimados en obra, inclúe un novo túnel de máis de 2 km baixo o alto de Puxeiros.
Mais noticias
O goberno de Vigo activa unha consulta sobre a declaración de Balaídos e algunhas praias como espazos libres de fumes
Vigo reúne máis de 150 científicos no Congreso Nacional de Biotecnoloxía
Expertos en ciberseguridade abordan en Vigo as máis novas solucións de control


Volver á portada

© Gabinete de Prensa - Concello de Vigo 2003