Concello de Vigo Vigo org
Xornalxornal.vigo.org
  


Noticias da semana

Suscribirse


 
xoves, 14 de xuño de 2018

Imprimir | Enviar | | Compartir:  


Abel Caballero expón o protocolo das Entidades Locais para o acollemento dos migrantes do Aquarius

En declaracións aos medios, o alcalde de Vigo e presidente da Federación Española de Municipios e Provincias anunciou que abordará esta cuestión no seu encontro coas ONG's Cruz Vermella, ACCEM e CEAR do próximo martes.

A FEMP vai expor un protocolo de actuación das Entidades Locais para o acollemento dos migrantes do buque Aquarius. Así o anunciou este xoves o alcalde e presidente da Federación, Abel Caballero, quen explicou que se trata dun proceso de varias fases. Nun primeiro momento, contempla saber cantos Concellos ofrécense, contactar directamente con cada un deles e así coñecer as súas dispoñibilidades e as garantías de funcionamento coas que contan para, "a partir de aí, facer o acompañamento e a distribución xa co Goberno de España de cantos refuxiados van a cada Concello", explicou Caballero. Posteriormente, o Concello encargarase do seguimento dos refuxiados aos que dá acollida.

Esta cuestión abordarase o vindeiro martes, 19 de xuño, na reunión que Caballero manterá na sede da FEMP con representantes de Cruz Vermella, CEAR e ACCEM, as tres ONG's coas que a Federación subscribiu hai dous anos un acordo de colaboración que "agora se potencia e renova".

Caballero manifestou a súa satisfacción coa sensibilidade mostrada polos Gobernos Locais, "de todos os tamaños e de todo o territorio", ante a emerxencia humanitaria do buque Aquarius, e subliñou que ás 230 Entidades contabilizadas onte, engádense novas incorporacións. É a unha "gran acción dos Concellos", resumiu.
Mais noticias
O Concello inicia en Castelao as obras do gran carril bici entre Teis e Samil
A Xunta de Goberno adxudica as 750 prazas para os alumnos do programa "Vigo en Inglés"
Air Nostrum propón ao Concello rotular dous avións con imaxes turísticas de Vigo
O Concello recorrerá o auto do TSXG que insta a demolición do Piricoto, un problema urbanístico do ano 1994
O alcalde inaugura a cuarta edición da Ruta de Pinchos das Travesas
O goberno local eleva a 155.000 euros o orzamento para cooperación internacional, duplicando a cifra de 2017
O campionato de España de Ximnasia Acrobática reunirá en Vigo a máis de 500 deportistas


Volver á portada

© Gabinete de Prensa - Concello de Vigo 2003