Concello de Vigo Vigo org
Xornalxornal.vigo.org
  


Noticias da semana

Suscribirse


 
xoves, 14 de setembro de 2017

Imprimir | Enviar | | Compartir:  


O alcalde urxe a reposición de policías para poder incorporar 29 axentes máis ao Concello

Caballero reclamou esta mañá a eliminación das restricións do Ministerio de Facenda á contratación de policías locais. Deste xeito, Vigo podería contar en breve con 23 axentes máis, que se sumarían ás 42 prazas que xa están convocadas ou a punto de convocarse polo que o cadro de persoal completaría as 403 prazas -as que figuran na RPT-, explicou.

O alcalde de Vigo e presidente da FEMP reiterou esta mañá a súa demanda de que os concellos poidan contratar policías locais sen restricións e avanzou que Vigo conta con 23 prazas de policías locais que non pode cubrir pola taxa de reposición imposta polo Ministerio de Facenda. Tal e como explicou, a RPT do Concello de Vigo dispón de 403 prazas, das que 338 están ocupadas. Das 65 vacantes, 42 xa están nunha oferta pública, 23 delas, pendentes nestes momentos dun recurso e outras 19 a punto de ser aprobadas. Deste xeito, aínda quedan outras 23 que o Concello non pode convocar polas restricións de Facenda aínda que a súa a situación económica das arcas municipais permiten esta contratación.

Tal e como lle trasladou onte á secretaria de Estado de Función Pública, Elena Collado, é preciso que o Goberno Central permita que os gobernos locais repoñan os seus efectivos sen as limitacións que marcan os actuais criterios das taxas de reposición para poder cubrir á máxima brevidade as xubilacións anticipadas voluntarias que empezarán a rexistrarse a partir de xaneiro de 2018 así como as prazas que se foron amortizando nos últimos anos.
Mais noticias
Os ambulantes de Vigo, satisfeitos, logo dun ano da regulación dos mercadiños de Bouzas e Coia
O rexedor traslada a CCOO a súa "conformidade total" coa conversión do antigo Cíes en Centro de Día
O goberno vigués adicará 900.000 euros ao asfaltado de 8 quilómetros de rúas
O Concello aproba o proxecto dun "macro parque infantil" en Pedro Alvarado por 500.000 euros


Volver á portada

© Gabinete de Prensa - Concello de Vigo 2003