Concello de Vigo Vigo org
Xornalxornal.vigo.org
  


Noticias da semana

Suscribirse


 
venres, 21 de abril de 2017

Imprimir | Enviar | | Compartir:  


O goberno de Vigo probará a resistencia ao vento da cuberta de Balaídos a próxima semana en Madrid

As probas realizaranse no Instituto Universitario de Microgravidade da Universidade Politécnica de Madrid onde a maqueta coa estrutura completa do estadio será sometida á simulación de diferentes ventos para comprobar a súa resistencia.

O alcalde informou este venres do inicio a vindeira semana das probas aerodinámicas en túnel de vento da cuberta da grada de Río do Estado Municipal de Balaídos, que permitirán para ter "absolutamente comprobada a resistencia da cuberta da grada" ante os temporais, que son un factor habitual.

As probas realizaranse no Instituto Universitario de Microgravidade da Universidade Politécnica de Madrid onde está o "grande túnel de vento de España". Nel introdúcese a maqueta coa estrutura real completa do novo estadio, na que se colocaron uns sensores en diferentes ámbitos da cuberta e simúlanse ventos de distintas velocidades, direccións, racheados e permanentes para que ao longo dos dous días que durarán as probas, se poida medir a resistencia da cuberta.

Caballero apuntou que con este procedemento, o Concello segue adiante coa obra de Río, que continúa "a boa marcha".

Pleno de Zona Franca
O rexedor deu conta do cambio de data do Pleno de Zona Franca para a aprobación dos convenios da Cidade do Mar, que será finalmente o próximo mércores 26 de abril ás 16,00 horas da tarde, xa que o martes, como estaba previsto inicialmente, coincide co Pleno da FEMP que se celebra cada último martes de mes.


Mais noticias
O Concello inviste 360.000 euros en dous parques de skate en Barreiro e Navia
Caballero transmite "o orgullo da cidade" pola botadura da plataforma mariña Magallanes Renovables
O goberno vigués apoia a creación de empresas na cidade con achegas a fondo perdido
O alcalde recibe a estudantes estadounidenses de intercambio en Vigo
Servizo de Participación Cidadá
CURSOS DE ALFABETIZACIÓN DIXITAL
Servizo de Participación Cidadá
CURSOS DE ALFABETIZACIÓN DIXITAL
Medidas de tráfico por obras
Medidas de tráfico por obras
MEDIDAS DE TRÁFICO POR OBRAS


Volver á portada

© Gabinete de Prensa - Concello de Vigo 2003