Concello de Vigo Vigo org
Xornalxornal.vigo.org
  


Noticias da semana

Suscribirse


 
xoves, 16 de febreiro de 2017

Imprimir | Enviar | | Compartir:  


Caballero eloxia FranquiAtlántico como salón de "referencia" do noroeste peninsular

No acto de presentación da décimo sétima edición do evento, o próximo venres 24 de febreiro na terminal de cruceiros, o alcalde de Vigo invitou á cidadanía a achegarse a un Salón de "referencia" que será un "éxito asegurado" ao contar con máis de 200 firmas representadas.




O alcalde de Vigo, Abel Caballero, participou este xoves na presentación da edición deste ano do Salón FranquiAtlántico, xunto á directora do evento, Raquel Robledo, o segundo tenente de alcalde e deputado provincial, David Regades, o xerente da Cámara de Comercio, José Manuel García Orois, e o tesoreiro de AJE, Pedro Preciado.

Na súa intervención, Caballero amosou a súa "satisfacción" pola celebración na cidade dunha nova edición do Salón, que definiu como unha "referencia" de "interese xeral" para o noroeste peninsular. O alcalde asegurou que a cita deste ano será un "éxito asegurado" ao contar con máis de medio centenar de expositores xa confirmados representando a máis de 200 firmas comerciais.

O Salón FranquiAtlántico abrirá as súas portas o próximo venres, 24 de febreiro, na terminal de cruceiros de Vigo, con presenza de sectores como o ocio e o entretemento, a hostelería e a restauración, a alimentación e a moda, rotulación e impresión, saúde e benestar, telecomunicacións, xoiería, perfumería, servizos...

Segundo explicou a directora do evento, FranquiAtlántico organiza o mesmo venres o Foro Franquicia Emprende, unha xornada de carácter técnico dirixida a emprendedores, futuros franquiciados e empresarios na que os expertos abordarán cuestións de interese sobre esta fórmula de negocio.
Mais noticias
O Concello activa unha nova liña de transporte urbano directa ao Álvaro Cunqueiro
O alcalde transmitirá ao Consello Social a "repulsa absoluta" a que Vigo quede sen AVE
Caballero aposta pola acción sindical defensa dos dereitos dos traballadores
O rexedor dálle a benvida á cidade ao Shakhtar Donetsk


Volver á portada

© Gabinete de Prensa - Concello de Vigo 2003