Escoitar

O alcalde salienta a "elevadísima" inserción laboral do "Imos Traballar 2", superior ao 50%

Abel Caballero acudiu este xoves ao Auditorio Municipal para a entrega de diplomas a 65 participantes do programa de emprego municipal "Imos Traballar 2", no que se forman 255 desempregados da cidade. Segundo informou Caballero, a porcentaxe de inserción laboral desta iniciativa supera o 50%.

xoves, 21 nov 2013
1385038794diplomas.JPG
O alcalde participou na entrega de diplomas a 65 persoas que completaron a formación en atención a dependentes, cociña e limpeza, dentro do programa municipal de emprego "Imos Traballar 2", iniciativa local de emprego na que colaboran empresarios e sindicatos.

Segundo afirmou, 255 desempregados da cidade forman parte deste programa en 17 itinerarios de inserción laboral, en atención a dependentes, cociña, limpeza e cátering, e cunha retribución económica do 75% do IPREM. Titores monitorizan a formación -teórica e práctica- dos usuarios, así como na procura de emprego. Do total de persoal, 175 alumnos xa completaron os itinerarios e 60 están actualmente formándose. Outros 60 iniciarán próximamente o proxecto.

Caballero explicou que o Imos Traballar ten actualmente a 30 empresas rexistradas como colaboradoras do programa e avanzou que a planificación municipal contempla contactar con ata 428 entidades para mellorar a inserción laboral.
Descargar todas as imaxes