Concello de Vigo Vigo org
Xornalxornal.vigo.org
  


Noticias da semana

Suscribirse


 
martes, 06 de agosto de 2019

Imprimir | Enviar | | Compartir:  


O Concello destina 45.000 euros para financiar o local social do Banco de Alimentos

A Xunta de Goberno Local aprobou tamén a subvención mediante convenio de 50.000 euros da celebración na cidade do Outono Lírico 2019.

O rexedor deu conta este martes da aprobación por parte da Xunta de Goberno Local do proxecto de convenio coa Fundación Provincial do Banco de Alimentos de Vigo para os anos 2019, 2020 e 2021 para sufragar os gastos de alugueiro e de mantemento do seu local social que ten un importe de 45.000 euros. Amais, o Concello mantén outros acordos coa entidade para reforzar o seu labor "de forma singular", explicou.

A Xunta de Goberno tamén deu luz verde á subvención nominativa mediante convenio entre o Concello de Vigo e a Asociación Amigos da Ópera de Vigo para o desenvolvemento do programa "Outono Lírico 2019", dotado con 50.000 euros "dedicados a reforzar a ópera na cidade", engadiu o rexedor, que puxo en valor a actividade cultural e musical viguesa con dúas orquestras sinfónicas, nove bandas de música e trinta grupos de música galega "dos mellores de Galicia, que unicamente están subvencionados polo Concello; non reciben máis axudas".
Mais noticias
O goberno municipal inviste 3 millóns de euros na mellora de once campos de fútbol
O alcalde pide a Feijóo "atender as cuestións" de Vigo abrindo un escenario de diálogo distinto
Abel Caballero anima a participar este venres da Noite Branca, a "gran noite dos museos de Vigo"
O alcalde avanza o "reforzo" da Festa do Marisco de Vigo que se celebra do 5 ao 8 de setembro


Volver á portada

© Gabinete de Prensa - Concello de Vigo 2003