O goberno local inviste 559.000 euros nos campos de fútbol de San Andrés de Comesaña e As Relfas
A Xunta de Goberno Local aprobou os proxectos de renovación das instalacións destes dous campos e tamén o expediente de contratación do quinto programa municipal de medianeiras que ten un orzamento de 280.000 euros.
O alcalde deu conta esta mañá do visto bo da Xunta de Goberno Local ao proxecto de renovación de instalacións no campo de fútbol das Relfas en Sárdoma que, cun importe de 409.000 euros, ampliará a remodelación prevista incluíndo a reparación da contorna do campo que presentaba problemas de afundimento. Ademais, o goberno municipal instalará un novo céspede artificial, un novo sistema de iluminación e unha nova caldeira de auga quente.
Tamén quedou aprobada a renovación do campo de fútbol de San Andrés de Comesaña cun orzamento de 150.000 euros e que inclúe a instalación dun novo sistema de iluminación, xa que o céspede acaba de ser renovado. En total, o investimento municipal suma 559.00 euros.
Abel Caballero explicou que o Concello ten conveniado coa Deputación de Pontevedra o pagamento de todas estas instalacións e ten en marcha reformas por valor de 9,2 millóns de euros nas que se inclúen os pavillóns de Romil e Quirós, a renovación dos dous pavillóns e a Grada de Río en Balaídos.
V Programa de medianeiras
A Xunta de Goberno Local vén de aprobar tamén o expediente de contratación das obras do quinto Programa para arrombar medianeiras e outros elementos verticais con incidencia na vía pública, que ten un presuposto de 280.000 euros e para o que queda aberto o procedemento de licitación.
O alcalde explicou que en 2019 haberá 14 novos murais, polo que a cifra total ascende a preto de 80 aos que cómpre sumar as actuacións en centros educativos. Así mesmo, debullou a lista de espazos elixidos para decorar nesta quinta edición do programa: as rúas Barcelona, Doutor Canoa, San José A Guía, Bueu, Centro Recreativo e Cultural de Coruxo, a rúa Roupeiro, Eduardo Cabello, Camelias, Serafín Avendaño, Sanjurjo Badía, Tomás Alonso, O Pino, Emilia Pardo Bazán e Couto de San Honorato. Amais participarán artistas de talle internacional e local para realizar os murais Zosen Bandido, Ghizlane, Erbmon, Mon Devane, Elara Elvira, Ana Santiso, Marcos Puhinger, Abi Castillo, Kóctel, Murone, Vanesa Álvarez, Chephoner, Mina Hamada e Kruella Denfer.
Tamén quedou aprobada a renovación do campo de fútbol de San Andrés de Comesaña cun orzamento de 150.000 euros e que inclúe a instalación dun novo sistema de iluminación, xa que o céspede acaba de ser renovado. En total, o investimento municipal suma 559.00 euros.
Abel Caballero explicou que o Concello ten conveniado coa Deputación de Pontevedra o pagamento de todas estas instalacións e ten en marcha reformas por valor de 9,2 millóns de euros nas que se inclúen os pavillóns de Romil e Quirós, a renovación dos dous pavillóns e a Grada de Río en Balaídos.
V Programa de medianeiras
A Xunta de Goberno Local vén de aprobar tamén o expediente de contratación das obras do quinto Programa para arrombar medianeiras e outros elementos verticais con incidencia na vía pública, que ten un presuposto de 280.000 euros e para o que queda aberto o procedemento de licitación.
O alcalde explicou que en 2019 haberá 14 novos murais, polo que a cifra total ascende a preto de 80 aos que cómpre sumar as actuacións en centros educativos. Así mesmo, debullou a lista de espazos elixidos para decorar nesta quinta edición do programa: as rúas Barcelona, Doutor Canoa, San José A Guía, Bueu, Centro Recreativo e Cultural de Coruxo, a rúa Roupeiro, Eduardo Cabello, Camelias, Serafín Avendaño, Sanjurjo Badía, Tomás Alonso, O Pino, Emilia Pardo Bazán e Couto de San Honorato. Amais participarán artistas de talle internacional e local para realizar os murais Zosen Bandido, Ghizlane, Erbmon, Mon Devane, Elara Elvira, Ana Santiso, Marcos Puhinger, Abi Castillo, Kóctel, Murone, Vanesa Álvarez, Chephoner, Mina Hamada e Kruella Denfer.