Concello de Vigo Vigo org
Xornalxornal.vigo.org
  


Noticias da semana

Suscribirse


 
luns, 07 de xaneiro de 2019

Imprimir | Enviar | | Compartir:  


Vigo revalidou en decembro a súa primeira posición como administración mellor pagadora de España

Vigo situouse "de novo" no mes de decembro á cabeza das administracións de España pola súa premura no pago a provedores. Cunha media de 7,4 días de demora, o Concello paga case "de forma inmediata", fronte a outras cidades como A Coruña, que tarda 54 días de media ou Ourense que o fai en 112 días.

O Concello de Vigo volveu ser en decembro a administración española mellor pagadora con 7,4 días, o período máis baixo de pago de ningunha institución pública en España. Logo de abonar 147.000 millóns en 13.300 facturas en 2018, Vigo rematou o ano pagando en 7,4 días de media, mentres que en outubro e novembro ese prazo foi de 12,2 e de 9,9 días respectivamente, sendo tamén o período máis baixo de toda España.

En comparación con outras cidades, A Coruña paga en 54 días de media; Santiago, en 81; Ourense, en 112; Pontevedra, en 33; Málaga, en 23; Sevilla, 49; Zaragoza, 49; Gijón, 24; mentres que a Xunta de Galicia o fai en 15 días. Caballero, quen amosou o seu "orgullo" por esta situación froito da colaboración de todo os servizos municipais, explicou que a eficiencia no pago é moi importante para as empresas porque permite estimular a economía e o emprego.
Mais noticias
Os 2,1 millóns da última fase da humanización de Camelias eleva a 7,2 o total da inversión na rúa
O Concello aproba o quinto programa de murais urbanos para decorar outras 14 medianeiras
O Concello dá o seu apoio para a celebración do Congreso Nacional de Matronas en Vigo


Volver á portada

© Gabinete de Prensa - Concello de Vigo 2003