Concello de Vigo Vigo org
Xornalxornal.vigo.org
  


Noticias da semana

Suscribirse


 
mércores, 07 de novembro de 2018

Imprimir | Enviar | | Compartir:  


Vigo acollerá a primeira feira Metal Industry en setembro de 2019

Asime organiza o evento, que se celebrará no Ifevi, co apoio do Concello e de Zona Franca




Vigo acollerá do 17 ao 19 de setembro a primeira edición da feira Metal Industry, que reunirá no Ifevi a centenares de empresas, clientes, compradores e provedores do sector do metal de todo o mundo para "poñer no lugar que merece á industria de Vigo". Así o destacou esta mañá o secretario xeral de Asime, Enrique Mallón, asociación organizadora da feira, acompañado polo alcalde e o delegado de Zona Franca, David Regades.

"Queremos converter a Vigo na gran cidade industrial que pode ser; unha industria compatible coas cidades, o medio ambiente e a calidade de vida. Esta feira axudaranos a ser o gran escaparate da industria en Galicia", afirmou Caballero, á vez que mostrou o seu apoio total á organización.

O rexedor aproveitou, ademais, para destacar que o Plan Xeral dará resposta á necesidade de chan industrial na cidade. "A industria xa non vai estar fóra da cidade", afirmou. David Regades, pola súa banda, mostrou a súa satisfacción porque Zona Franca colabore nesta feira "que estamos seguros de que contribuirá a blindar o sector económico da cidade".

Mallón asegurou que esta feira, "que durante anos demandounos o sector", será un "feito histórico e un reclamo a nivel internacional". O secretario xeral de Asime afirmou ademais que "Vigo necesita máis eventos industriais e feiras empresariais para conseguir vender adecuadamente a industria da cidade". O sector do metal, lembrou, "representa o 21% do produto bruto galego e as empresas de Vigo triunfan nos eventos internacionais".
Mais noticias
O Concello aproba un investimento de 1,7 millóns para humanizacións no rural vigués
Policía e Bombeiros interveñen en 70 incidencias provocadas polo temporal de vento e choiva
Caballero ve "resolto" o problema da seca ao acadar Eiras o 71% de auga embalsada
Vigo liderará unha "parte importante" do proxecto do coche autónomo
O rexedor valora a "inmensa capacidade profesional" e a experiencia de GKN
Caballero destaca o bo funcionamento da UNED de Vigo
Consello da Xerencia Municipal de Urbanismo
XUNTA DE GOBERNO LOCAL


Volver á portada

© Gabinete de Prensa - Concello de Vigo 2003