Concello de Vigo Vigo org
Xornalxornal.vigo.org
  


Noticias da semana

Suscribirse


 
venres, 10 de agosto de 2018

Imprimir | Enviar | | Compartir:  


"Catálogo de 1937: a arte rexional na creación do Museo Municipal de Castrelos"

O Concello de Vigo inaugurou na Pinacoteca a exposición "Catálogo de 1937. A colección de arte rexional na creación do Museo Quiñones de León", comisariada por Beatriz Liz de Cea e baixo a dirección técnica do director do museo, José Ballesta de Diego.




Catálogo


O 22 de xullo de 1937, en plena guerra civil, o Museo Municipal de Vigo "Quiñones de León" comezaba a súa andaina tras un proceso longo e laborioso de formación. O catálogo inaugural desta data permítenos coñecer de primeira man a colección exposta no momento da súa inauguración. Na mostra aténdese a aquelas obras que corresponden á colección de arte galega adscritas na súa maioría ao denominado movemento rexionalista. Moitas delas, case descoñecidas para o público, recuperan a súa presenza expositiva neste proxecto e así retornan ao panorama artístico e histórico da cidade.

Como se formou a colección inaugural de arte galega? Esta é a premisa da exposición. Dar a coñecer a primeira colección non só dende o punto de vista artístico senón tamén dende unha perspectiva histórica. Faise como resposta, como acto de xustiza e memoria, ao esforzo que supuxo a creación do museo municipal "Quiñones de León", unha empresa comunitaria na que se involucraron as diferentes corporacións locais, os artistas e, para subliñar, os propios cidadáns vigueses. Deste xeito propoñemos un percorrido pola formación da colección do museo que achegue ao/a visitante a este esforzo conxunto, ao pulo da sociedade viguesa do primeiro terzo do século XX plenamente comprometida coa cultura.
Mais noticias
O alcalde destaca a importancia de Sanjurjo Badía na historia industrial da cidade de Vigo
Caballero valora a seguridade en Castrelos na acampada dos fans de Operación Triunfo
O goberno de Vigo contrata a renovación dos peches do Santa Irene e do Santo Tomé
O Concello organiza esta fin de semana un concerto e observación das Perseidas
Fin de festa no campamento municipal de Alcabre
Cursos de alfabetización dixital


Volver á portada

© Gabinete de Prensa - Concello de Vigo 2003