Concello de Vigo Vigo org
Xornalxornal.vigo.org
  


Noticias da semana

Suscribirse


 
martes, 12 de xuño de 2018

Imprimir | Enviar | | Compartir:  


O alcalde reclama á Xunta a reposición do servizo de Pediatría no Centro de Saúde de Coruxo

Abel Caballero instou este martes á Xunta de Galicia á reposición "inmediata" do servizo de Pediatría no Centro de Saúde de Coruxo, un problema que afecta a un total de 1.050 nenos e nenas da parroquia viguesa. "É unha nova acción da Xunta danando gravemente a calidade sanitaria de Vigo", sinalou.

O alcalde de Vigo reclamou este martes publicamente que a Xunta de Galicia solucione os problemas causados no Centro de Saúde de Coruxo tras a retirada do pediatra que prestaba servizo a un total de 1.050 nenos e nenas da parroquia.

"Quero dar todo o meu apoio aos veciños e quero esixir á Xunta que repoña de forma inmediata a pediatra en Coruxo, hai 1.050 nenos e nenas que perden o seu pediatra e van ter que ser desviados a outros centros de saúde, afastados do seu domicilio", sinalou Abel Caballero durante a súa comparecencia ante os medios de comunicación.

O rexedor vigués considera que a decisión do Servizo Galego de Saúde (Sergas) é un novo ataque a sanidade pública. "Se hai algún servizo moi importante para a cidadanía ese é o de Pediatría, é primordial e insubstituíble. É insaumible esta nova acción da Xunta danando gravemente a calidade sanitaria en Vigo", explicou Caballero.
Mais noticias
Caballero eleva a máis de 200 os concellos dispostos a recibir xa aos pasaxeiros do Aquarius
Caballero e Reigosa amosan "vontade absoluta de cooperación" e "plena sintonía" entre institucións
O goberno de Vigo adxudicará provisionalmente a humanización da Provincial esta semana
O Concello adquire unha parcela en Ramón Nieto para sacala a poxa pública e construír vivendas


Volver á portada

© Gabinete de Prensa - Concello de Vigo 2003