Concello de Vigo Vigo org
Xornalxornal.vigo.org
  


Noticias da semana

Suscribirse


 
luns, 12 de marzo de 2018

Imprimir | Enviar | | Compartir:  


O alcalde destaca a "función social" dos Coidadores de Barrio no seu regreso ás rúas

Os Coidadores de Barrio do Concello e Vigo volveron este luns as rúas da cidade despois de que Xunta de Goberno Local validase o pasado día 1 o convenio de colaboración coa Fundación Érguete. "Realizan unha gran función social, xogan un papel moi importante de apoio ás persoas que viven soas", sinalou o alcalde.




Os Coidadores de Barrio do Concello de Vigo volveron este luns a actividade despois de que a Xunta de Goberno Local, reunida o pasado 1 de marzo, acordara validar o convenio de colaboración coa Fundación Érguete-Integración, no marco do Plan Municipal de Emprego.

En virtude deste convenio, os Coidadores de Barrio regresan ás zonas do Calvario, Teis, Casco Vello, Travesas e Bouzas-Coia. O acordo con Érguete terá unha vixencia de dous anos, ata o 31 de outubro de 2019, e permitirá a contratación de 47 profesionais para levalo adiante. O investimento total do Concello é de 1,08 millóns de euros, a razón de 540.000 euros anuais.

"Realizan unha gran función social, atendendo á xente de Vigo, cidadáns, mozos, maiores...", sinalou o alcalde, Abel Caballero, antes de explicar que a persoa tipo que atenden "é unha señora de certa idade que habitualmente vive soa".

Os Coidadores de Barrios iniciaron este luns o seu curso de aprendizaxe e a partir do vindeiro venres estarán de novo nas rúas. "Xogan un papel moi importante de atención social e de evitar a soidade, porque necesitan apoio", afirmou o rexedor.

Caballero apuntou tamén que "o programa espertou moito interese en varios sitios de España, algúns municipios moi importantes en poboación que lles gustaría poñer en marcha este mesmo proxecto".
Mais noticias
O Concello propón o inicio "inmediato" da construción da Biblioteca do Estado nos terreos municipais da rúa Lalín
Caballero subliña o "comportamento magnífico" do aeroporto, cun crecemento do 13,9% en febreiro
O alcalde demanda un "cambio" para que Vigo entre no Plan Nacional de Vivenda
Caballero di que a Gala do Deporte de Vigo, o día 21 no Teatro Afundación, vai ser "de alto nivel"


Volver á portada

© Gabinete de Prensa - Concello de Vigo 2003