O goberno de Vigo adica un millón de euros a cubrir patios de colexios na cidade
Caballero requeriu da Xunta de Galicia que "cumpra coas súas obrigas coa cidade" ao ser esta unha competencia autonómica, e recordou que lles propuxera un convenio para que o goberno de Feijóo adique ao efecto o mesmo que o Concello.
Abel Caballero avanzou este venres que o próximo luns finaliza o prazo de presentación de ofertas para optar aos contratos de cubrición dos patios do Colexio Virxe do Rocío e do Colexio Carballal-Cabral, actuacións nas que o Concello gasta 610.000 euros. Ademais, recordou o alcalde, o goberno local acometerá a mesma mellora no CEIP Canicouva, que precisa do visto bo de Patrimonio.
No orzamento elaborado polo goberno vigués para o próximo ano figura unha partida de 450.000 euros para novas obras de cubrición de patios nos colexios de Vigo, co que o total do Concello para estas melloras educativas ascende a 1.060.000 euros.
Caballero precisou que a cubrición dos patios é unha "competencia e obriga" da Xunta de Galicia, censurou que a administración autonómica lle dedica ao efecto "cero euros" e recordou que lle propuxera ao goberno dirixido por Núñez Feijóo asinar un convenio para que a Xunta destine a mesma cantidade que o Concello para cubrir patios nos centros educativos.
Diabetes
Na mesma rolda de prensa, o alcalde anunciou que Vigo se sumará á conmemoración do Día Mundial da Diabetes e iluminará de azul, o próximo martes, 14 de novembro, as fontes de Aragón e a de Rosalía de Castro.
No orzamento elaborado polo goberno vigués para o próximo ano figura unha partida de 450.000 euros para novas obras de cubrición de patios nos colexios de Vigo, co que o total do Concello para estas melloras educativas ascende a 1.060.000 euros.
Caballero precisou que a cubrición dos patios é unha "competencia e obriga" da Xunta de Galicia, censurou que a administración autonómica lle dedica ao efecto "cero euros" e recordou que lle propuxera ao goberno dirixido por Núñez Feijóo asinar un convenio para que a Xunta destine a mesma cantidade que o Concello para cubrir patios nos centros educativos.
Diabetes
Na mesma rolda de prensa, o alcalde anunciou que Vigo se sumará á conmemoración do Día Mundial da Diabetes e iluminará de azul, o próximo martes, 14 de novembro, as fontes de Aragón e a de Rosalía de Castro.