Concello de Vigo Vigo org
Xornalxornal.vigo.org
  


Noticias da semana

Suscribirse


 
luns, 09 de outubro de 2017

Imprimir | Enviar | | Compartir:  


Caballero define como "acción de envergadura" o Ultra trail Montes de Vigo, este sábado dende Navia

O alcalde presentou hoxe luns a cuarta edición do Trail Montes de Vigo, un evento que apoia o Concello e que organiza a Mancomunidade de Montes de Vigo dende 2014. Ás 8:00 horas do vindeiro sábado 14 comezará a proba coa saída do ultra trail (68 quilómetros) e do trail longo (37 kms.), para trinta minutos despois comezar o trail curto (25 kms.) e a andaina.





Caballero anunciou que o evento comeza e conclúe no polideportivo municipal de Navia, epicentro dunha competición cuxa loxística corre a cargo da asociación Galicia Máxica Adventure Trail, organizadora tamén dun circuíto de cinco probas que vaise definir en Vigo.

"68 quilómetros non é unha cifra menor", subliñou o xefe do goberno municipal, que cualificou a carreira de montaña como "unha acción de gran envergadura" na que ademais avanzou que "a organización espera bater o récord de inscritos o ano pasado: 290". A día de hoxe xa son 224 os participantes.

Caballero ofreceu a rolda de prensa acompañado polo concelleiro de Deportes, Manel Fernández, e por representantes da Mancomunidade de Montes que preside Uxío González e tamén da asociación Galicia Máxica.

Precisamente González explicou que a proba "é o primeiro ultra trail que se fai na provincia; percorrerá os montes de dez comunidades, destacando o monte Maúxo en Coruxo, o Cepudo en Valladares ou o Galiñeiro en Zamáns. Pero irá tamén por comunidades onde antes era impensable facer un trail, como Sárdoma ou Castrelos". O presidente da Mancomunidade suliñou que "remataremos a carreira polo fantástico paseo do Lagares".

González asegurou que os participantes verán uns montes coidados grazas a que co plan de emprego do Concello contratan cada ano, dende hai seis, a trinta persoas durante cinco meses "para a eliminación do eucalipto e a plantación de castiñeiros. A xente vai poder aprecialo", dixo.
Mais noticias
O Concello terá este trimestre o proxecto do novo bulevar da Gran Vía, que prevé concluír en abril de 2019
O goberno local incorpora xa unha partida nos orzamentos para construír o túnel de Lepanto
O alcalde felicitou a Carla Fernández, campioa no Nacional cadete de contrarreloxo


Volver á portada

© Gabinete de Prensa - Concello de Vigo 2003