Caballero defende a conveniencia do modelo da Área Metropolitana de Vigo
O rexedor vigués mantivo este mércores unha rolda de contactos cos alcaldes e alcaldesas que manifestaron a súa vontade de incorporarse ao ente supramunicipal para comunicarlles o acordo adoptado este luns e amosou a súa satisfacción polo modelo acadado que define como "conveniente e bo para levar adiante moitos territorios".
Abel Caballero amosouse hoxe "encantado" co avance da Lei de Área Metropolitana e "agarda" que a Xunta envíe o texto esta semana para que sexa revisado e que se constate que "estamos absolutamente de acordo en todo".
No entanto, segundo anunciou, ao longo deste mércores pola mañá, mantivo unha rolda de contactos cos alcaldes e alcaldesas que manifestaron a súa vontade de formar parte da ampliación do ente supramunicipal, que son os da A Cañiza, A Guarda, Mondariz, Ponteareas, Tomiño, Tui, Vilaboa e As Neves. En conversa telefónica transmitiulles o acordo adoptado, "que contamos con eles e que a primeira decisión que tomaremos será a de pedir a ampliación e constatei que están satisfeitos", polo que, dixo, este é un acordo de "22 concellos que queren conformar a Área Metropolitana de Vigo", sen descartar a incorporación doutros municipios máis adiante.
Para o rexedor vigués a Área Metropolitana é unha decisión de "modernidade" que se plasma nun "modelo bo e conveniente para levar adiante moitos territorios. Seremos case 28 concellos, somos máis de 600.000 habitantes que, voluntariamente, nos constituímos nun área metropolitana común; decidímolo nós, non nos obriga unha lei" incidindo en que esta é a "forma" de desenvolver o territorio "con contido, competencias e sen case custo".
Ademais, Caballero anunciou que, como presidente da FEMP, tratará de que na próxima Lei de Financiamento das Corporacións Locais se inclúan as áreas metropolitanas.
No entanto, segundo anunciou, ao longo deste mércores pola mañá, mantivo unha rolda de contactos cos alcaldes e alcaldesas que manifestaron a súa vontade de formar parte da ampliación do ente supramunicipal, que son os da A Cañiza, A Guarda, Mondariz, Ponteareas, Tomiño, Tui, Vilaboa e As Neves. En conversa telefónica transmitiulles o acordo adoptado, "que contamos con eles e que a primeira decisión que tomaremos será a de pedir a ampliación e constatei que están satisfeitos", polo que, dixo, este é un acordo de "22 concellos que queren conformar a Área Metropolitana de Vigo", sen descartar a incorporación doutros municipios máis adiante.
Para o rexedor vigués a Área Metropolitana é unha decisión de "modernidade" que se plasma nun "modelo bo e conveniente para levar adiante moitos territorios. Seremos case 28 concellos, somos máis de 600.000 habitantes que, voluntariamente, nos constituímos nun área metropolitana común; decidímolo nós, non nos obriga unha lei" incidindo en que esta é a "forma" de desenvolver o territorio "con contido, competencias e sen case custo".
Ademais, Caballero anunciou que, como presidente da FEMP, tratará de que na próxima Lei de Financiamento das Corporacións Locais se inclúan as áreas metropolitanas.