O Concello adquire material técnico para combater a praga de avespa asiática
O alcalde coñeceu esta mañá o instrumental que adquiriu o Concello para que o persoal de desinfección e de bombeiros poidan actuar contra a avespa asiática sen riscos. Concretamente, adquiríronse dez traxes perfectamente dotados para que os profesionais continúen loitando contra unha praga que está a causar unha "verdadeira hecatombe medioambiental".
O Concello de Vigo loita contra a avespa asiática desde o ano 2012 con preto de 200 actuacións que se intensificaron nos últimos meses, con 75 intervencións desde o pasado xullo. Así o explicou hoxe xoves o rexedor durante unha visita que realizou esta mañá ao Parque de Bombeiros de Balaídos para amosar algúns dos dez traxes -valorados en 600 euros cada un- que o Concello ven de adquirir para que os profesionais poidan combater con seguridade a praga de avespa asiática.
Segundo explicou, persoal do Departamento de Medio Ambiente (desinfección), efectivos de Bombeiros e Policía Local recibiron un curso formativo para aprender a distinguir estas avespas das abellas autóctonas xa que o obxectivo municipal é preservar as colmeas para frear a "hecatombe ambiental que se está a producir".
Respecto do protocolo, o alcalde explicou que os operarios actúan ao atardecer, cando están as avespas no niño, retírano para introducilo nunha bolsa hermética de grande tamaño e méntense nun conxelador no que aínda duran vivas varias días, explicou. Neste punto criticou á Xunta por desatender a súas obrigas xa que a loita contra este problema medioambiental é competencia autonómica.
Durante a visita, Caballero aproveitou para anunciar que estas instalacións serán reformadas, en liña coa remodelación realizada no Parque de Bombeiros de Teis.
Descargar todas as imaxes
Segundo explicou, persoal do Departamento de Medio Ambiente (desinfección), efectivos de Bombeiros e Policía Local recibiron un curso formativo para aprender a distinguir estas avespas das abellas autóctonas xa que o obxectivo municipal é preservar as colmeas para frear a "hecatombe ambiental que se está a producir".
Respecto do protocolo, o alcalde explicou que os operarios actúan ao atardecer, cando están as avespas no niño, retírano para introducilo nunha bolsa hermética de grande tamaño e méntense nun conxelador no que aínda duran vivas varias días, explicou. Neste punto criticou á Xunta por desatender a súas obrigas xa que a loita contra este problema medioambiental é competencia autonómica.
Durante a visita, Caballero aproveitou para anunciar que estas instalacións serán reformadas, en liña coa remodelación realizada no Parque de Bombeiros de Teis.