Escoitar

A demolición de tres inmobles en Peniche facilitará o tránsito de vehículos e peóns

As obras de demolición de tres inmobles para mellorar o tránsito en Peniche rematán nesta semana e, a continuación, procederase á preparación do terreo, salvando o desnivel entre López Mora e Camiño Pazos. As obras da rotonda e zonas verde previstas na zona realizaránse con cargo aos orzamentos do 2014.

mércores, 18 dec 2013
1387371688peniche.JPG
O Concello de Vigo está a acometer o derrubamento das edificacións dos números 1A e 3A da rúa López Mora e o número 10 de Camiño dos Pazos, segundo constatou hoxe mércores o rexedor que esta mañá se achegou á zona acompañado polo concelleiro de Fomento, David Regades, e o de Emprego, Santos Héctor. A atención de "esta demanda histórica na cidade" facilitará os accesos no cruce de Peniche, "unha obra que levaba medio século sen facer". Unha vez realizada a demolición, que rematará nesta mesma semana, procederase á preparación e acondionamento do terreo, salvando a diferencia de cota entre López Mora e Camiño Pazos. Ademáis, engadiu, mellorarase o xiro de vehículos nesa confluencia e daráselle continuidade ao tránsito peonil entre das dúas rúas, con pavimento e formigón provisional. Tamén se instalarán, ao longo das tres próximas semanas, vallas para delimitar e protexer aos peóns. Tal e como avanzou, a rotonda e a zona verde previstas na zona acometeránse a cargo dos orzamentos do ano próximo.

Previamente a esta actuación, o Concello procedeu á retirada da placa de sinalización existente na vivenda número 1 de López Mora, que está catalogada con protección integral no PXOM, polo que xa está no museo de Castrelos. Estes traballos estarán rematados ao final de ano.
Descargar todas as imaxes