O alcalde esixe que Vigo sexa a sede das novas iniciativas empresariais de Zona Franca
O alcalde de Vigo anunciou a petición de que os proxectos de centros de iniciativas empresariais da Zona Franca teñan a súa sede en Vigo. Enfatizou que o seu voto favorable ás contas xerais do Consorcio está condicionado a esta solicitude porque esta cidade con máis dinámica empresarial e de novas tecnoloxías.
Dentro dos investimentos nas áreas de emprendemento e innovación da Zona Franca para 2014, destacan os Centros de Iniciativas Empresariais e o Centro de Iniciativa Empresarial: Tecnoloxía Aeroespacial. Estas novas liñas de actuación, por valor duns 5 millóns, son unha nova dinámica de actuación de Zona Franca que ten que ter a súa sede en Vigo. Logo de cualificar de positivos os orzamentos do Consorcio, de 37,3 millóns, que inclúen partidas importantes para Citroën, entre outras, sinalou que esta é a cidade con máis dinámica empresarial e de novas tecnoloxías. Insistiu, tal e como solicitou onte no Pleno, en que hai que maximizar a capacidade de éxitos destes investimentos e aí conta moito a ubicación dos mesmos. Rematou matizando que o seu voto favorable ás contas está supeditado, e así consta en acta a que os centros de acción radiquen en Vigo.
Descargar todas as imaxes