Escoitar

O alcalde di que a liña Vigo-Madrid con Iberia Express abre "unha nova etapa en Peinador"

Abel Caballero amosou hoxe mércores a súa satisfacción coa posta en marcha da liña área Vigo-Madrid con Iberia Express, no que significa "unha nova etapa no aeroporto". A compañía aérea operará durante todo o mes de maio dous vóos diarios a Madrid e un cada día da fin de semana.

mércores, 2 mai 2012
1335959552peinador.JPG
O alcalde de Vigo, transmitiu hoxe mércores a súa satisfacción no acto oficial do inicio da liña Vigo-Madrid con Iberia Express. Cualificou este momento co mo a "apertura dunha etapa no aeroporto" en referencia ao abaratamento dos billetes e á calidade da compañía. Respecto da competencia "desleal" do aeroporto de Santiago, con voos subvencionados pola Xunta de Galicia, Caballero referiuse ao custo do desprazamento a Santiago -60 euros peaxes e gasolina-, o que supón, dixo, un prezo superior a un billete promocional desta liña. Aínda que a aeroliña cubriu onte a súa primeira ruta con Madrid, o evento inaugural tivo lugar esta mañá en Peinador coa presenza do conselleiro-delegado da compañía, Luis Gallego. O Airbus A320 con número de voo 122481 de Iberia Express despegou no aeroporto de Vigo logo de pasar polo arco de auga que oficializa o inicio da actividade desta compañía na cidade

Iberia Express terá inicialmente dous voós diarios con Madrid de luns a venres (dous de ida e dous de volta), un o sábado e outro o domingo e ofertará billetes a partir de 33 euros. En maio, Iberia Express compartirá a ruta de Madrid con Iberia e a partir de xuño aumentará as frecuencias ata 32. Segundo o programa de verán, en xullo haberá 31 frecuencias, 27 en agosto, 29 en setembro e 30 en outubro.
Descargar todas as imaxes