Vigo da a benvida ó Entroido
Desde o venres 17 ata o mércores 22, Vigo disfrutará do Entroido que organiza a Concellería de Cultura e Festas, coa colaboración da Agrupación de Centros Deportivos e Culturais maila Federación de Peñas "El Olivo". O venres 17, na Praza da Constitución , a partir das 19.00 horas haberá animación de rúa, lectura do pregón a cargo do vocalista de Siniestro Total, Julián Hernández, quen dará paso á entronización do rei e raiña do entroido e ao concurso de coplas.
O desfile de comparsas e carrozas sairá o sábado, ás 18,00 horas desde a rotonda de Isaac Peral, cara á Porta do Sol, pasando por García Barbón e Policarpo Sanz. O domingo e luns estará adicado aos máis pequenos, con actividades na Praza de Compostela; mentres que o martes, haberá un concurso de disfraces, entre outras moitas iniciativas. O mércores rematará o Entroido coas exequias funerarias.
Descargar todas as imaxes