O goberno local inicia a tramitación do orzamento municipal para 2012
O alcalde de Vigo, Abel Caballero, explicou que nos próximos días trasladará aos grupos politicos o borrador de orzamento municipal para 2012, unha vez a Comisión Nacional de Administración Local -celebrada onte en Madrid, coa presencia de Caballero- aclarou algunhas medidas de financiamento local. Tras a redacción dos informes técnicos, o rexedor prevé levar as contas á súa aprobación inicial en Xunta de Goberno Local.
O alcalde de Vigo, Abel Caballero, anunciou hoxe xoves que o goberno local inicia a tramitación administrativa cara á aprobación dos orzamentos do Concello para 2012.
Caballero, quen participou onte na reunión da Comisión Nacional de Administración Local na súa calidade de vicepresidente da Federación Española de Municipios e Provincias, explicou que o Goberno de España aclarou na devandita cita en Madrid algunhas das cuestións económicas que tiñan parados boa parte dos orzamentos municipais españois.
Explicou o alcalde que o executivo central comunicou que non fará oficial a devolución a 10 anos dos anticipos aos municipios correspondentes a 2008 e 2009 ata o mes de xuño, co que o Concello de Vigo elaborará o seu orzamento segundo a normativa actual, é dicir, contando coa devolución nun prazo de cinco anos.
Esta cuestión pode supor ata dous millóns de euros de variación no orzamento vigués, pero agardar a que a devolución a unha década sexa oficial retrasaría a aprobación do documento a setembro ou outubro, segundo estimou o rexedor.
O goberno local tramitará por tanto o texto para 2012 no escenario legal vixente e o alcalde conta con poder remitilos aos grupos políticos nas primeiras xornadas da próxima semana para o seu estudo. Paralelamente, os técnicos municipais redactarán os seus informes previos á aprobación inicial do orzamento en Xunta de Goberno Local.
Descargar todas as imaxes
Caballero, quen participou onte na reunión da Comisión Nacional de Administración Local na súa calidade de vicepresidente da Federación Española de Municipios e Provincias, explicou que o Goberno de España aclarou na devandita cita en Madrid algunhas das cuestións económicas que tiñan parados boa parte dos orzamentos municipais españois.
Explicou o alcalde que o executivo central comunicou que non fará oficial a devolución a 10 anos dos anticipos aos municipios correspondentes a 2008 e 2009 ata o mes de xuño, co que o Concello de Vigo elaborará o seu orzamento segundo a normativa actual, é dicir, contando coa devolución nun prazo de cinco anos.
Esta cuestión pode supor ata dous millóns de euros de variación no orzamento vigués, pero agardar a que a devolución a unha década sexa oficial retrasaría a aprobación do documento a setembro ou outubro, segundo estimou o rexedor.
O goberno local tramitará por tanto o texto para 2012 no escenario legal vixente e o alcalde conta con poder remitilos aos grupos políticos nas primeiras xornadas da próxima semana para o seu estudo. Paralelamente, os técnicos municipais redactarán os seus informes previos á aprobación inicial do orzamento en Xunta de Goberno Local.