Escoitar

Xuventude coopera coa Pasarela de Creadores "TexVigo é Moda" na súa segunda edición

A concelleira de Xuventude, Chus Lago, anunciou hoxe martes que o goberno local colabora este ano coa Pasarela de xóvenes creadores "TexVigo é Moda", na súa segunda edición, que sumará ademais o primeiro concurso PTL Vigo Recicla. Serán 100 os mozos que participan e 31 deseñadores, e ten a compoñente medioambiental do concurso, que empregan os residuos do Parque Tecnolóxico e Loxístico para as súas creacións.

martes, 24 xan 2012
1327410695P1249788.JPG
O goberno local, a través da Concellería de Xuventude, súmase este 2012 á segunda edición desta iniciativa, impulsada polo profesorado e alumnado da Escola Superior de Deseño Goymar-Vigo, a Escola Audiovisual de Vigo e o Instituto de Ensinanza Secundaria de Teis.

O próximo xoves, 26 de xaneiro, celebrarase a pasarela "TexVigo é Moda" con 31 deseñadores e un centenar de participantes. O deseño e elaboración dos modelos corre a cargo dos creadores de Goymar, a preparación e desenvolvemento dos medios técnicos estará nas mans do alumnado da Escola Audiovisual de Vigo e o peinado e maquillaxe dependerá do IES de Teis.

Paralelamente, o evento incorpora a primeira edición do concurso PTL Vigo Recicla, cuxa finalidade é conciencias ás empresas e aos futuros creadores da necesidade de apostar polo reciclado. As empresas do Parque aportan residuos como plásticos, latas, cintas ou carteis para os deseños.
1327410695P1249788.JPG
1327410714novia.jpg
Descargar todas as imaxes