O alcalde louba a destreza dos estudantes vigueses que participan nun programa universitario de matemáticas

O alcalde de Vigo, Abel Caballero, felicitou persoalmente un estudante vigués de 1º da ESO que foi seleccionado para participar nun programa de orientación e desenvolvemento matemático da Universidade de Santiago. Acompañado da súa nai, Nicolás Rodríguez Chantanda, foi recibido polo alcalde quen lle amosou o seu entusiasmo porque chicos e chicas de Vigo participen en programas deste tipo. Trátase de alumnos con "grande destreza coas matemáticas" e outras disciplinas e, segundo indicou, hai que apoialos e animalos a seguir con éxito nos seus estudos.

Nesta liña de apoio con programas específicos para os alumnos de Vigo, Caballero lembrou os 1.200.000 euros que o Concello adica a becas de inglés.