Reiníciase no MARCO a programación para escolares e familias
A partir desta semana, o MARCO retoma a programación para escolares e público familiar. O programa xira ao redor da exposición do artista británico MARTIN CREED.‘A METADE DO AIRE’ é o nome xenérico deste conxunto de actividades, visitas e talleres, con propostas específicas e diferenciadas para alumnado de Infantil, Primaria e Secundaria. A exposición de Martin Creed e o traballo deste artista ofrecen múltiples posibilidades didácticas, de aprendizaxe e de desfrute para todas as idades.
Na súa proposta para o MARCO, Martin Creed vai un paso máis alá na súa análise sobre a percepción e sobre a experiencia física, xogando coa nosa relación co contorno. Toda a planta baixa está ocupada por unha das súas intervencións, que inunda e á vez baleira o espazo expositivo. Work No. 247 Half the air in a given space , 2000, consiste en materializar a metade do aire contido nun espazo por medio dun obxecto cotián. Os globos, elementos lúdicos e festivos da infancia, convértense en colectores de aire, facendo tanxible e visible algo efémero e inmaterial.
Creada por primeira vez en 1998, esta peza adquire nas salas do MARCO unha magnitude completamente descoñecida ata agora, pola súa monumentalidade e polas dimensións das salas: a metade do espazo —un total de 6.863 m3 de aire distribuídos en tres patios, tres galerías, e a rotonda central— aparece cuberto por un mar de globos de cor azul celeste, que alteran por completo a nosa percepción do espazo, esvaendo a acotación visual e os límites espaciais. Para poder apreciar a obra, temos que somerxernos literalmente nela, abríndonos paso entre os globos e desencadeando un cúmulo de sensacións contraditorias. Ao percorrer as salas observamos a obra dende dentro, completándoa e formando parte dela. Todos os sentidos entran en xogo, e a visita ao Museo convértese nunha experiencia activa.
A visita de educación Infantil ten como argumento os cinco sentidos, e complétase cun obradoiro no que unha proxección de vídeo e actividades de grupo nos axudan a e analizar todas estas sensacións. Os grupos de Primaria entran en salas a través un xogo de pistas e descubrimentos, superando diferentes probas, mentres pensamos na idea do aire como algo tanxible ou inmaterial, visible ou invisible, esencial para a vida, e que neste caso serviu para crear unha instalación artística. Lecturas e proxeccións serven como dinamizadores das actividades no taller. Na visita de Secundaria/Bacharelato centrámonos o punto de vista do artista, nas nosas propias sensacións ao percorrer as salas, e examinamos o proceso de produción dunha instalación destas características. Partimos da análise doutras obras de Martin Creed para promover un debate sobre a arte contemporánea e sobre o traballo deste artista en particular.
Descargar todas as imaxes
Creada por primeira vez en 1998, esta peza adquire nas salas do MARCO unha magnitude completamente descoñecida ata agora, pola súa monumentalidade e polas dimensións das salas: a metade do espazo —un total de 6.863 m3 de aire distribuídos en tres patios, tres galerías, e a rotonda central— aparece cuberto por un mar de globos de cor azul celeste, que alteran por completo a nosa percepción do espazo, esvaendo a acotación visual e os límites espaciais. Para poder apreciar a obra, temos que somerxernos literalmente nela, abríndonos paso entre os globos e desencadeando un cúmulo de sensacións contraditorias. Ao percorrer as salas observamos a obra dende dentro, completándoa e formando parte dela. Todos os sentidos entran en xogo, e a visita ao Museo convértese nunha experiencia activa.
A visita de educación Infantil ten como argumento os cinco sentidos, e complétase cun obradoiro no que unha proxección de vídeo e actividades de grupo nos axudan a e analizar todas estas sensacións. Os grupos de Primaria entran en salas a través un xogo de pistas e descubrimentos, superando diferentes probas, mentres pensamos na idea do aire como algo tanxible ou inmaterial, visible ou invisible, esencial para a vida, e que neste caso serviu para crear unha instalación artística. Lecturas e proxeccións serven como dinamizadores das actividades no taller. Na visita de Secundaria/Bacharelato centrámonos o punto de vista do artista, nas nosas propias sensacións ao percorrer as salas, e examinamos o proceso de produción dunha instalación destas características. Partimos da análise doutras obras de Martin Creed para promover un debate sobre a arte contemporánea e sobre o traballo deste artista en particular.