Escoitar

A biblioteca Xosé Neira Vilas continúa o mércores o programa de animación á lectura cun obradoiro de encadernación

A biblioteca pública Xosé Neira Vilas acollerá o vindeiro mércores, 20 de abril ás 19 horas, un obradoiro de encadernación xaponesa, segundo informa a Concellería de Cultura e Animación Sociocultural. Esta iniciativa enmárcase no programa de animación á lectura deste novo espazo cultural da cidade e terá lugar no marco da celebración do Día do Libro.

luns, 18 abr 2011
Para participar no obradoiro é preciso inscribirse previamente no teléfono 986 276 709, na propia biblioteca (ubicada na avenida Martínez Garrido, 21) ou mediante correo electrónico ao enderezo bpvigoneiravilas@vigo.org, indicando o nome completo e o teléfono de contacto. A actividade ten un límite de 20 prazas e está recomendado a partir de 12 anos. A sesión durará aproximadamente hora e media.