Xesus López anuncia que o artista colombiano Juanes abrirá o 15 de xullo en Castrelos as Festas de Verán de Vigo
O concelleiro de Cultura e Animación Sociocultural, Xesus López, presentou este venres o concerto que abrirá o programa das Festas de Verán de Vigo 2011. Trátase da actuación que ofrecerá o artista colombiano Juanes o 15 de xullo no auditorio de Castrelos, na que ademais de interpretar algúns dos maiores éxitos da súa carreira como "Volverte a Ver", "La Camisa Negra", "Me Enamora" ou "A Dios le Pido", Xesus López avanzou que presentará os temas do seu último disco, "P.A.R.C.E", entre os que destacan cancións como "Regalito" ou "Yerbatero".
O nacionalista explicou que ademais de programar o Imaxina Sons ou o Festiclown, o seu departamento está tamén pechando xa os concertos de Castrelos. Xesus López destacou que Juanes, pese a non ter demasiados discos publicados (cinco ata o momento) ten un volume de vendas "asombroso", con case 15 millóns de copias vendidas dos catro primeiros. Fixo especial mención ao alto contido social das súas letras e contra o uso da violencia, tal e como se reflicte no traballo que desenvolve na súa fundación, "Mi sangre", e a organización dos concertos de Paz Sen Fronteiras.
Segundo afirmou o concelleiro nacionalista, coa organización deste concerto "continuamos o traballo iniciado hai máis de tres anos por facer de Vigo unha cidade de grades concertos e seguiremos traballando para que ese compromiso se consolide". Xesus López avanzou, en resposta aos medios, que se manteñen os prezos do ano pasado para asistir ao concerto, 12 euros.
A representante de Sweet Nocturna, Raquel Seijo, expresou a súa satisfacción pola celebración do concerto de Juanes en Vigo no mes de xullo. Asegurou que é "especificamente un concerto de verán", no que o artista organiza unha festa. Respecto á montaxe que Juanes ofrecerá en Castrelos destacou que será unha produción "completísima", con 7 ou 8 músicos en xira, e na que xa se está a traballar para adaptala a Castrelos. "É unha montaxe espectacular digna de ver", asegurou.
Raquel Seijo lembrou que Juanes visitou Vigo hai 8 anos, cando era "un artista emerxente", mentres que este ano nos visita sendo xa un "artista consolidado". Comentou neste sentido que a revista Time considérao como unha das 100 persoas máis influíntes do mundo. Finalmente, salientou que este concerto que ofrecerá o artista colombiano en Castrelos é "a única data en Galiza e das poucas que vai facer en España".
Descargar todas as imaxes
Segundo afirmou o concelleiro nacionalista, coa organización deste concerto "continuamos o traballo iniciado hai máis de tres anos por facer de Vigo unha cidade de grades concertos e seguiremos traballando para que ese compromiso se consolide". Xesus López avanzou, en resposta aos medios, que se manteñen os prezos do ano pasado para asistir ao concerto, 12 euros.
A representante de Sweet Nocturna, Raquel Seijo, expresou a súa satisfacción pola celebración do concerto de Juanes en Vigo no mes de xullo. Asegurou que é "especificamente un concerto de verán", no que o artista organiza unha festa. Respecto á montaxe que Juanes ofrecerá en Castrelos destacou que será unha produción "completísima", con 7 ou 8 músicos en xira, e na que xa se está a traballar para adaptala a Castrelos. "É unha montaxe espectacular digna de ver", asegurou.
Raquel Seijo lembrou que Juanes visitou Vigo hai 8 anos, cando era "un artista emerxente", mentres que este ano nos visita sendo xa un "artista consolidado". Comentou neste sentido que a revista Time considérao como unha das 100 persoas máis influíntes do mundo. Finalmente, salientou que este concerto que ofrecerá o artista colombiano en Castrelos é "a única data en Galiza e das poucas que vai facer en España".