Concello de Vigo Vigo org
Xornalxornal.vigo.org
  


Noticias da semana

Suscribirse


 
venres, 11 de marzo de 2011

Imprimir | Enviar | | Compartir:  


Exposición sobre " O noso traxe, peza a peza. Reconquista da vila de Vigo - 2011"


Na Casa Galega da Cultura preséntase esta exposición, promovida pola Asociación Veciñal e Cultural Casco Vello Vigo e coordinada por Patricia González Iglesias, responsabel do taller de confección da Asociación Veciñal e Cultural Casco Vello Vigo.




O noso traxe, peza a peza

Ao longo da historia a roupa foi evolucionando coa xente e coa súa vida. Ao contrario que na actualidade, a xente adaptaba a vestimenta ás tarefas que desenvolvían decote. O "fondo de armario" era bastante máis reducido que na actualidade.

Nalgúns casos unicamente tiñan a roupa que usaban a cotío. Esa roupa servía tanto para facer os traballos habituais, como para os días de festa. Con todo, a maioría das persoas tiñan dúas mudas, unha para traballar e outra para ir a misa, bailes, romarías, celebracións, etc.

O común era que non tivesen un atuendo para cada baile ou ocasión, senón que adaptaban o que tiñan. Para bailar as Danzas de Reis utilizaban os brancos que usaban a diario; para bailar unha peza na romaría (muiñeira, xota, etc.) facíano coa roupa que levaban nese momento, non ían a casa cambiarse para bailar; o mesmo que para ir á misa, ás celebracións, etc.

Semellaba haber un xeito habitual á hora de vestirse peza a peza, cunha orde lóxica e preestablecida, da mesma maneira, podemos dicir, que cada peza de roupa utilizada tiña un sentido, un motivo ou obxectivo.

A xente sentíase orgullosa das pezas que usaban, aínda que estas fosen contadas e para todas as ocacións, mais con adornos, adubíos conseguían que as súas fosen as pezas máis bonitas do lugar. Entre colectivos, como os gaiteiros, había rivalidade por levar o traxe máis fermoso, a monteira máis adornada, … malia, como dicíamos, teren só unha muda.

Con esta exposición querese, sobre todo, que se entenda que o traxe tradicional era a roupa que usaban habitualmente os nosos avós e avoas, e que o levaban con orgullo e dignidade. Escapemos da utilización que facían da nosa vestimenta os/as señoritos/as do século pasado como disfrace para o Entroido e, como recordo para con eles e elas, levémolo nós tamén co mesmo orgullo e dignidade.

Patricia González Iglesias

Os seus comezos foron da man da profesora de corte e confección de Saiáns para formarse como deseñadora de moda e patronista/escaladora. Dende ben pequena forma parte do grupo de baile da Asociación Veciñal de Saiáns e recibe clases de música tradicional da man de prestixiosos e queridos mestres, que lle aprenden a querer a nosa tradición.

A mestura destes dous mundos fai que se introduza no mundo do traxe tradicional e este convértese no seu medio de vida e na súa paixón. Crea o seu propio obradoiro de costura, xa vai para quince anos, onde investiga, deseña e confecciona de xeito artesanal traxes tradicionais, fundas a medida para instrumentos, vestidos para gaitas, etc.

É profesora responsable do Curso de costura tradicional da Asociación Veciñal e Cultural do Casco Vello de Vigo. Encárgase, tamén, do asesoramento e confección do vestiario da representación da Festa da Reconquista da Vila de Vigo.

Posuidora de diversas distincións, Certame de Xoves Deseñadores de Camariñas, Certame de Promoción da Moda Vigoferia e Mostra de Novos Creadores de Moda da Xunta de Galicia. Ten participado en conferencias e exposicións, A Reconquista de Vigo no Museo Quiñones de León, Mostra de Traxe Tradicional Galego no Casco Vello do Concello de Vigo, etc. Asemade, é autora do deseño seleccionado no concurso de ideas para o uniforme oficial do persoal educador e coidador das Galescolas, e ten deseñado e confeccionado o vestiario para representacións teatrais e espectáculos.
Polo seu obradoiro teñen pasado dende os seu inicios e o seguen a facer na actualidade, unha boa parte das persoas ligadas ao mundo da cultura tradicional galega, das asociacións, grupos e solistas. Hónrase en traballar man a man con artesáns de instrumentos tradicionais da nosa terra.

LUGAR: Casa Galega da Cultura. Praza da Princesa núm. 2. Vigo
INAUGURACIÓN: 11 de marzo de 2011, 20.00 h
CLAUSURA: 3 de abril de 2011
HORARIO:
Luns a venres: 18.00 – 21.30 h
Sábados: 11.00 – 14.00 h, 18.00 – 21.30 h
Domingos e festivos: 11.00 – 14.00 h
Luns 28 de marzo de 11.00 a 14.00 e de 18.00 a 21.30 h
Mais noticias
O alcalde ofrece o apoio municipal e estatal aos procesos de I+D+i nas empresas de automoción de Vigo
Caballero di que a licitación por 11 millóns do acondicionamento da pista abunda na "cascada de inversións continuas no aeroporto de Vigo"
Santi Domínguez anuncia que 16 edificios participarán nun proxecto da UE para acadar o 20% de aforro enerxético
A Orquestra Xovigo protagoniza mañá sábado a estrea mundial de "Adagio para orquestra", do galego Fernando Buide
O Festival de Habaneras celebra a súa segunda xornada coa actuación de cinco corais polifónicas da cidade
Xabier Alonso felicita a Laura Llópiz, campioa do Mundo co Náutico, polo seu recoñecemento nos Premios Nacionais de Vela
A praza "8 de marzo" acollerá o domingo a actividade central do programa do Día Internacional da Muller
Xunta de Goberno Local
Peche ao tráfico da rúa Tomás Alonso
Peche ao tráfico a rúa Cataluña
Bases xerais e convocatoria de 9 bolsas para a realización de prácticas en oficinas de Información
Cursos gratuítos de ofimática e internet
Convocatoria para a adxudicación de prazas para a participación no programa de inmersión en lingua inglesa 2011
Solicitude de prazas nas escolas infantís municipais (0-3 anos)
Curso 2011/2012


Volver á portada

© Gabinete de Prensa - Concello de Vigo 2003