Concello de Vigo Vigo org
Xornalxornal.vigo.org
  


Noticias da semana

Suscribirse


 
luns, 31 de xaneiro de 2011

Imprimir | Enviar | | Compartir:  


Conferencia do editor Emilio Sdun no Verbum

O vindeiro mércores 2 de febreiro, como actividade da exposición A Arte de Facer Libros, no Verbum Casa das Palabras o prestixioso editor Emilio Sdun dará a coñecer a súa experiencia como editor de arte. A través das súas vivencias dende 1984 poderase coñecer máis en profundidade o proceso de creación de libros singulares e edicións de luxo.




Emilio Sdun, de orixe alemán e con residencia en Cuevas del Almazora, é un dos principais tipógrafos e calígrafos do panorama estatal. Cursou estudos de tipografía na escola de Artes e Oficios de Berlín. Na súa editorial, Prensa Cicuta (fundada en Frankfurt en 1984 e trasladada no 1996 a Almería), constrúense libros de artista mediante técnicas gráficas de composición e impresión tradicionais adaptadas ao noso tempo. Os seus cursos son moi solicitados por institucións, escolas e facultades de Belas Artes de toda España.

Moitas das súas obras pódense visitar en museos, bibliotecas e coleccións privadas de prestixio e ao longo de todo o globo e teñen formado parte de importantes exposicións. A súa labor foi premiada con diferentes galardóns como o V-O Stomps de Maguncia, a máis alta distinción alemá da impresión mediante prensa.

A conferencia terá lugar ás 19 horas con entrada gratuíta ata completar aforo.
Mais noticias
O Pleno aproba por unanimidade a rebaixa nun 70% das taxas das terrazas impulsada polo goberno local
O Pleno aproba cambios na zona azul que permitirán anular sancións de ata 45 euros con pagos dun máximo de 7 euros
O Concello fai definitivo o descanso semanal para os taxistas vigueses
Educación programa 30 visitas didácticas en inglés da actividade "Coñezamos a cidade/get to know your town"


Volver á portada

© Gabinete de Prensa - Concello de Vigo 2003