Man Xornal.vigo.orgXornal.vigo.org Concello de Vigo Contacto
Discurso
Subscribirse


 
venres, 16 de xullo 2004

Imprimir | Enviar

Pregón das Festas de Bouzas

Por Corina Porro (Alcaldesa do Concello de Vigo)



VIGUESES E VIGUESAS, AMIGOS TODOS DE BOUZAS:

En calidade de pregoneira da grande festa de Bouzas, coa honra que tal ocasión merece e co espíritu de festa, de pertenza a unha comunidade única, a nosa, preséntome ante vos para anunciarvos a festa, a maxia da luz, e as cores do ceo que durante os próximos días inundarán esta vila.

Cumprimos hoxe co rito que iniciaron os nosos ancestros no ano de 1605 (mil seiscentos cinco) cando o Bispo de Tui, en visita pastoral a Bouzas, é sabedor do nacemento do fillo de Felipe III (terceiro) e Dona Mariana de Austria.

A festa que entón organizaron para honrar ao recén permanece nos corazóns dos cidadáns desta vila e revivímola xuntos cada ano. As barricas de alquitrán queimadas naquela data, transfórmanse nos famosos fogos de Bouzas. A danza das espadas, a procesión… seguen a ser reflicto fiel do que aconteceu neses antigos días.

E aos fogos e á festa sumamos hoxe a celebración de cen anos de historia compartida. Bouzas e Vigo iniciaron daquela unha nova travesía. Hoxendía os boucenses mantedes o orgullo das xentes de bo corazón, traballadoras e esforzadas, exemplo de cidadanía no más amplo e fermoso sentido da palabra.

E son éstas as primeiras festas que celebramos declaradas de interese turístico. Os elementos tradicionais, etnográficos e culturais reúnense nesta celebración singular da que disfrutamos cada ano milleiros de vigueses e tantos outros vidos de fóra.

Daquela, destérrense maledicencias e murmuracións, acátese sen escándalo a diversión, a festa, a confraternización. Pónganse a bo recaudo pleitos, rencores, ofensas e rencillas, esqueza o deudor e máis o acreedor os seus réditos, dean tregua á angustia e á impaciencia…alomenos ata rematar a festa.

Que o Santísimo Cristo dos Aflixidos, testemuña do fervor relixioso e da vocación mariñeira de Bouzas nos ampare nos desafíos que haberemos de nos enfrontar ata o vindeiro ano en que voltemos a reunirnos na festa.


E para finalizar lembremos uns fermosos versos do grande poeta da vila de Bouzas e cronista oficial da cidade, Lalo Vázquez Gil:

BOUZAS, NOIVA DO BARIL MAR CO VENTO ARELA
BELIDA, MORNA, AZUL. BOUZAS MAREIRA

Viguesas e vigueses:
Que nos bendiga e nos ampare o Cristo dos Aflixidos, e a quen non participe da festa que lle console o seu eterno aburrimento.

VIVA A FESTA. VIVA BOUZAS


Outros discursos
Discurso do Alcalde Reconquista 2018

Bando Reconquista 2018

Bando Día da Constitución

Discurso do alcalde de Vigo
Día da Constitución 2017


Bando Día de Galicia

DIA DE GALICIA en VIGO


Ver todos


Volver á portada

© Gabinete de Prensa - Concello de Vigo 2003