|
 |
 Noticias:
O alcalde transmitiu ao reitor o "respaldo absoluto" do Concello ao campus de excelencia do mar
Abel Caballero amosou o apoio municipal ao reitor da Universidade, Alberto Gago, na consecución para Vigo do campus de excelencia do mar. En xullo podería haber unha resolución estatal ao concurso, no que Vigo competirá con máis de trinta propostas. Alcalde e reitor defenden asemade que Vigo acolla a Axencia Estatal de Radiocomunicacións e que a cidade sexa "o responsable técnico de toda a rede de minisatélites da Axencia Espacial Europea".
|
Santi Domínguez destaca que 3.600 rapaces participan no programa "Unha lección de cine", que potencia o galego
O tenente de alcalde, Santi Domínguez, e a concelleira de Normalización Lingüística, Iolanda Veloso, asistiron este martes ao pase da película Pérez II, do programa "Unha lección de cine" que se desenvolve nos Cines Yelmo CinePlex do centro comercial Travesía, e no que participan máis de 300 rapaces e rapazas en cada sesión. Os conceleiros destacaron que ata o final do programa 3.600 nenos e nenas participarán desta proposta, que une dun xeito lúdico cine e lingua.
|
Xabier Alonso di que o Circuíto de Carreiras Populares é unha iniciativa que naceu "para quedarse no tempo"
O concelleiro de Deportes, Xabier Alonso, presentou hoxe a segunda edición do Circuíto de Carreiras Populares Cidade de Vigo, unha liga pedestre que para o concelleiro é "unha iniciativa que vén para quedar no tempo", xa que, segundo afirmou "cada vez hai máis xente que se pon unhas zapatillas e sae a correr". O edil subliñou na presentación que, polos premios, "o circuíto é único en todo o Estado". Como na edición de 2009, hai 9.200 euros en premios para os tres mellores de cada unha das dez categorías, cun máximo de 1.200 para o campión e para a campioa senior e un mínimo de 100 para o terceiro ou terceira clasificada.
|
"Mostrarte" chega cunha exposición de pintura de Antón Goyanes
"De Campo Lameiro á Porta do Sol", do pintor Antón Goyanes, é o título da exposición aberta hoxe ao público nas dependencias da Alcaldía de Vigo, donde se poden ver unha serie de acrílicos sobre táboa que resaltan o viguismo do artista que con esa colección de cadros suma a número 12 das exposicións que se desenvolven no edificio do Concello baixo o nome de Mostrarte, outra maneira de achegar a xente en xeral a plástica que se fai en Vigo.
|
|
|
Previsións:
 10:30: O alcalde reúnese co Cónsul General da República Argentina en Vigo, Roberto Eduardo Budiño
Alcaldía
11:00: A concelleira de Benestar Social, María Méndez, presenta a memoria do Servizo de Inmigración
Sala de prensa
11:30: O alcalde reúnese con representantes de ASIVIGO (Asociación Independiente pro defensa de Vigo)
Alcaldía
12:30: O tenente de alcalde, Santi Domínguez, presenta a liña de turismo familiar "Vigo, a cidade en familia"
Sala de prensa
12:30: O alcalde visita as obras da rúa Escultor Gregorio Fernández
Escultor Gregorio Fernández con Vía Norte
14:15: Abel Caballero visita o CEIP Mestres Goldar onde comerá con alumnos do centro educativo
Rúa Costa, número 4.
17:30: O alcalde recibe a membros da Asociación TENA para Etiopía
Alcaldía
18:00: O tenente de alcalde, Santi Domínguez, visita a parroquia de Lavadores
Punto de encontro: Centro Xerontolóxico de Barreiro (Ramón Nieto, 349)
18:30: Abel Caballero asiste a unha xuntanza con mulleres de Teis
Centro Cívico de Teis.
20:00: O tenente de alcalde, Santi Domínguez, asiste á manifestación do Día da clase obreira galega
Saída da Vía Norte
|
