Xornal Vigo. Gabinete de Prensa

							xoves, 02 de setembro de 2010
							Noticias en castellano

Noticias:

Caballero asegura que o novo Auditorio de Beiramar estará listo este ano e será "un dos símbolos de Vigo"

O alcalde visitou este xoves os traballos de construción do Auditorio Pazo de Congresos de Beiramar, onde ratificáronse os prazos iniciais de finalización de obra, marcados para finais de ano. Caballero indicou que o edificio "está espertando unha gran atención" e conta cunha "demanda moi importante de congresos". "No mes de xaneiro empezaremos a gozar deste edificio", concluíu o socialista.

O alcalde trasladou "todas as garantias" ao Goberno de España para a instalación da factoría de baterías para o coche eléctrico

Abel Caballero explicou este xoves que trasladou a pasada semana ao Goberno de España "todas as garantías" de que Vigo conta no Porto Seco de terreos para a instalación dunha factoría de Mitsubishi de baterías eléctricas para automóbiles. O presidente do Goberno, José Luis Rodríguez Zapatero, viaxou a Xapón para tratar de confirmar esta ubicación, o que Caballero recoñeceu por "fixar a súa atención en Vigo e facer de embaixador" da cidade.

O cartaz da campaña do Día Internacional contra a Violencia de Xénero elixirase este ano a través dun concurso

A concelleira de Igualdade, Iolanda Veloso, anunciou este xoves que o prazo para participar no concurso de cartaces para empregar na campaña do Día Internacional contra a Violencia de Xénero do 25 de novembro será do 8 ao 28 de setembro. A concelleira do BNG salientou que esta convocatoriada, organizada en colaboración co Consello Municipal da Muller, ten por obxectivo "a participación de toda a sociedade e a concienciación sobre a violencia de xénero".

O alcalde asistirá á presentación do musical do grupo vigués Cómplices

O espectáculo estréase en Madrid do 15 de setembro onde permanecerá ata xaneiro de 2011 no teatro Calderón para recalar despóis en Vigo. Abel Caballero recibiu a Teo Cardalda e María Monsonis para presentalo aos medios e agradeceulles que ocupen a escena dos musicais en toda España "coa sombra de Vigo detrás"

Previsións:

09:00: Xunta de Goberno Local
Alcaldía

09:30: Consello da Xerencia Municipal de Urbanismo
Alcaldía

11:00: A concelleira de Xuventude, Iolanda Veloso, presenta o concurso de carteis do Día Internacional contra a Violencia de Xénero.
Sala de prensa.

11:00: Abel Caballero e Teo Cardalda presentan con membros da organización o musical de Cómplices
Alcaldía

12:00: O alcalde realiza unha visita aos traballos de construcción do Auditorio Pazo de Congresos de Beiramar
Punto de encontro: acceso de Jacinto Benavente, próximo á gasolineira de Beiramar

20:00: Abel Caballero inaugura o renovado graderío do Coruxo FC e descobre unha placa conmemorativa
Estadio do Coruxo: estrada do Vao s/n


	© Gabinete de Prensa do Concello de Vigo Praza do Rei nº1-36202-Vigo Tel: 986810228 Fax: 986810192 Contacto \| Subscricións